Farmer Loan Waiver : नमस्कार शेतकरी मित्रांनो! खरीप हंगामाची लगबग सुरू असतानाच महाराष्ट्र सरकारकडून बळीराजाची चिंता मिटवणारी एक अत्यंत आनंदाची बातमी समोर आली आहे. तुम्ही जर ‘पुण्यश्लोक अहिल्यादेवी होळकर कर्जमुक्ती योजने’अंतर्गत कर्जमाफीच्या प्रतीक्षेत असाल, तर तुमची प्रतीक्षा आता संपणार आहे. राज्य सरकारने दुसऱ्या टप्प्यातील कर्जमाफीची रक्कम थेट शेतकऱ्यांच्या बँक खात्यात जमा करण्याची तयारी पूर्ण केली आहे. चला तर मग, कोणत्या शेतकऱ्यांना हा लाभ मिळणार, तुमचे नाव यादीत आहे का, आणि नवीन पीक कर्जाबाबत काय निर्णय झालाय, हे अगदी सोप्या भाषेत सविस्तर जाणून घेऊया..
सोमवारपर्यंत खात्यात येणार पैसे!
सहकारमंत्री बाबासाहेब पाटील यांनी नुकतीच एका पत्रकार परिषदेत अतिशय महत्त्वाची माहिती दिली आहे. त्यांनी स्पष्ट केले आहे की, येत्या सोमवारपर्यंत (१७ ऑगस्ट) राज्यातील तब्बल ६ लाख २० हजार पात्र शेतकऱ्यांच्या खात्यावर कर्जमाफीची रक्कम वितरीत केली जाईल.
मागील आठवड्यात सहकार विभागाने सुमारे १६ लाख ९६ हजार पात्र शेतकऱ्यांची पहिली मोठी यादी जाहीर केली होती. त्यापैकी १२ लाख ८० हजार शेतकऱ्यांनी आपले आधार प्रमाणीकरण (Aadhaar Authentication) यशस्वीपणे पूर्ण केले आहे. याच आधार लिंक केलेल्या शेतकऱ्यांपैकी ६ लाखांहून अधिक शेतकऱ्यांना जवळपास ५ हजार कोटी रुपयांचा निधी सोमवारपर्यंत वितरित होणार आहे.
येथे वाचा – लाडक्या बहिणींसाठी नवीन GR आला; या दिवशी मिळणार जुलैचा हप्ता
२.५ लाख शेतकऱ्यांचे काय? ‘ॲग्रीस्टॅक’ची अट लक्षात घ्या!
मित्रांनो, एक महत्त्वाची तांत्रिक बाब इथे समजून घेणे गरजेचे आहे. जवळपास अडीच लाख शेतकरी कर्जमाफीसाठी पात्र असूनही त्यांची ‘ॲग्रीस्टॅक’ (Agristack) प्रणालीवर अद्याप नोंदणी झालेली नाही. पण काळजी करण्याचे कारण नाही! राज्याचे सहकार विभागाचे प्रधान सचिव प्रवीण दराडे यांनी सांगितले आहे की, या शेतकऱ्यांच्या नोंदणीसाठी राज्यभरात कृषी, महसूल आणि सहकार विभाग मिळून एक विशेष संयुक्त मोहीम राबवणार आहेत. त्यामुळे तुमची नोंदणी बाकी असल्यास येत्या काळात ती प्राधान्याने करून घ्या.
नवीन पीक कर्ज मिळण्यात कोणतीही अडचण नाही!
सध्या खरीप हंगाम मध्यावर आला आहे आणि शेतकऱ्यांना पेरणी व खतांसाठी पैशांची नितांत आवश्यकता आहे. अशा वेळी कर्जमाफीच्या प्रक्रियेमुळे नवीन कर्ज मिळण्यास विलंब होईल का? हा प्रश्न साहजिकच उपस्थित होतो. यावर सहकारमंत्र्यांनी मोठा दिलासा दिला आहे. कर्जवाटपाची प्रक्रिया कुठेही थांबणार नाही. सर्व पात्र शेतकऱ्यांना त्वरित नवीन कर्ज देण्याचे स्पष्ट आदेश बँकांना देण्यात आले आहेत. तसेच, जे शेतकरी ‘एकवेळ समझोता’ (One Time Settlement) करत आहेत, त्यांच्यासाठी कोणताही ‘कुलिंग पिरियड’ (कर्जासाठी वाट पाहण्याचा काळ) नसणार आहे.
प्रामाणिकपणे कर्ज भरणाऱ्यांना ‘प्रोत्साहन अनुदान’ कधी मिळणार?
जे शेतकरी वेळेवर आणि प्रामाणिकपणे आपल्या कर्जाची परतफेड करतात, त्यांच्या हक्काच्या ‘प्रोत्साहन अनुदाना’बाबतही सरकारची भूमिका स्पष्ट आहे. राज्यात २ लाख रुपयांपर्यंतच्या कर्जमाफीसाठी एकूण ३२ लाख शेतकरी पात्र आहेत. या सर्वांची कर्जमाफीची प्रक्रिया एकदा पूर्ण झाली, की लगेचच नियमित कर्ज फेडणाऱ्या शेतकऱ्यांना प्रोत्साहन अनुदानाचे वाटप केले जाईल.
एकूण ५६ लाख शेतकऱ्यांना या योजनेच्या माध्यमातून कर्जमाफी, प्रोत्साहन अनुदान किंवा एकवेळ समझोता योजनेचा लाभ मिळणार आहे. तसेच, थकीत कर्जांबाबत (NPA) बँकांशी चर्चा करून योग्य तो मार्ग काढण्यासाठी एका विशेष समितीचीही स्थापना करण्यात आली आहे. शेतकरी मित्रांनो, तुमचे बँक खाते आधार कार्डशी लिंक नसेल तर ते लवकरात लवकर करून घ्या. जेणेकरून शासनाचे पैसे कोणत्याही अडथळ्याविना तुमच्या खात्यात जमा होतील.
