MHADA Powai Luxury Flats : स्वतःच्या हक्काच्या घराचं स्वप्न पाहणाऱ्या मुंबईकरांसाठी एक अत्यंत आनंदाची बातमी आहे. म्हाडाच्या (MHADA) मुंबई मंडळाने नुकतीच तब्बल ४,२४० घरांची मोठी सोडत (लॉटरी) जाहीर केली आहे. या सोडतीमध्ये सर्वात जास्त चर्चा होत आहे ती ‘कोपरी, पवई’ येथील म्हाडाच्या निवासी प्रकल्पाची. पूर्वीच्या म्हाडाच्या घरांच्या तुलनेत हा प्रकल्प एखाद्या नामांकित खाजगी बिल्डरच्या लक्झरी कॉम्प्लेक्ससारखा उभा राहिला असून, पवईसारख्या प्राइम लोकेशनवर ही घरे बाजारभावापेक्षा अतिशय कमी किमतीत उपलब्ध झाली आहेत. या प्रकल्पातील सॅम्पल फ्लॅट्स, घरांच्या किमती आणि तिथे मिळणाऱ्या लक्झरी सुविधांचा घेतलेला हा खास आढावा.
पवईतील घरांचे प्रकार आणि त्यांच्या किमती
कोपरी-पवई येथील म्हाडाच्या या ‘रेडी-टू-मूव्ह’ (ताबा देण्यास तयार) प्रकल्पात विविध उत्पन्न गटांसाठी घरे उपलब्ध आहेत. विशेष म्हणजे, २०२२-२०२४ च्या लॉटरीतील घरांच्या किमतीत म्हाडाने यंदा कोणतीही वाढ केलेली नाही, ही ग्राहकांसाठी मोठी जमेची बाजू आहे.
‘लेक-फेसिंग’ बजेट फ्लॅट (Scheme Code 487A)
या प्रकल्पातील हा सर्वात स्वस्त फ्लॅट मानला जातो.क्षेत्रफळ: ७०६ चौरस फूट (कार्पेट एरिया)किंमत: १ कोटी २० लाख १३ हजार रुपये (अनामत रक्कम: १ लाख रुपये)वैशिष्ट्य: या घराची सर्वात मोठी खासियत म्हणजे येथून पवई तलावाचा सुंदर नजारा (Lake Facing) दिसतो. तसेच, हे घर मेट्रो स्टेशनच्या अगदी समोर आहे. यातील हॉल, बेडरूम आणि बाथरूम अतिशय प्रशस्त आहेत.
पवईतील घराचा सॅम्पल फ्लॅट येथे क्लिक करून पहा
बाल्कनीसह आणि बाल्कनीविना घरांचे पर्याय (Scheme Code 488A आणि 489A):
बाल्कनी असलेला फ्लॅट (४८८A): ज्यांना निसर्गरम्य दृश्यासाठी घरात बाल्कनी हवी आहे, त्यांच्यासाठी हा पर्याय उत्तम आहे. ८७६ चौरस फूट कार्पेट एरिया असलेल्या या फ्लॅटची किंमत १ कोटी ४९ लाख रुपयांच्या घरात आहे.बाल्कनी नसलेला फ्लॅट (४८९A): जर बाल्कनीची आवश्यकता नसेल, तर साधारण ७८ चौरस मीटर क्षेत्रफळ असलेला हा फ्लॅट १ कोटी ४३ लाख रुपयांना उपलब्ध आहे.
उच्च उत्पन्न गटासाठी लक्झरी ‘HIG’ फ्लॅट (Scheme Code 490A)
क्षेत्रफळ: ९८२ चौरस फूटकिंमत: १ कोटी ७८ लाख रुपये (अनामत रक्कम: १.५ लाख रुपये)वैशिष्ट्य: हा फ्लॅट एवढा मोठा आहे की, यात सहज थ्री-बीएचके (3 BHK) तयार होऊ शकतो. घरात खेळती हवा आणि भरपूर नैसर्गिक प्रकाश येईल अशी याची रचना आहे. विशेष बाब म्हणजे, महाराष्ट्राचा सुप्रसिद्ध अभिनेता ‘गौरव मोरे’ यालाही याच म्हाडा प्रकल्पात घर लागले असून तो सध्या येथेच वास्तव्यास आहे.
पवईतील घराचा सॅम्पल फ्लॅट येथे क्लिक करून पहा
काय आहेत या प्रकल्पातील ‘लक्झरी’ सुविधा?”
म्हाडाची घरे म्हणजे जुन्या आणि दाटीवाटीच्या इमारती”, हा समज या प्रकल्पाने पूर्णपणे मोडून काढला आहे. या कॉम्प्लेक्समध्ये राहणाऱ्या रहिवाशांसाठी अनेक उच्च दर्जाच्या सुविधा देण्यात आल्या आहेत:निसर्गरम्य परिसर: इमारतींच्या मध्यभागी एक मोठे त्रिकोणी आकाराचे गार्डन, लहान मुलांसाठी खास ‘चिल्ड्रन्स प्ले एरिया’ आणि चालण्यासाठी ‘वॉक वे’ (Walking Path) तयार करण्यात आला आहे.पार्किंगची उत्तम सोय: पार्किंगची कोणतीही अडचण येऊ नये म्हणून इथे तब्बल तीन ‘टॉवर पार्किंग’ आणि प्रशस्त ‘अंडरग्राउंड पार्किंग’ उपलब्ध करून देण्यात आले आहे.इतर सुविधा: कॉम्प्लेक्समध्ये शांतता असून, संध्याकाळी विरंगुळ्यासाठी ‘गझेबो’ (Gazebo) देखील बसवण्यात आले आहेत.
लोकेशन आणि कनेक्टिव्हिटीमध्ये ‘नंबर वन’
पवई हे मुंबईतील सर्वात ‘हॉट डेस्टिनेशन’ मानले जाते. म्हाडाचा हा प्रकल्प जोगेश्वरी-विक्रोळी लिंक रोडच्या (JVLR) अगदी जवळ असून मेट्रो स्टेशन येथून चालत जाण्याच्या अंतरावर आहे. याव्यतिरिक्त, आयआयटी बॉम्बे (IIT Bombay), डॉक्टर बाबासाहेब आंबेडकर उद्यान, हिरानंदानी कॉम्प्लेक्स आणि डी-मार्ट यांसारखी महत्त्वाची ठिकाणे अगदी जवळ आहेत.
बाजारभावाशी तुलना: आजच्या घडीला पवईमध्ये खाजगी बिल्डरच्या वन-बीएचके (1 BHK) घराची किंमत साधारण १.५ कोटींपासून सुरू होते, तर मोठ्या घरांच्या किमती ३ कोटींच्याही पुढे जातात. या तुलनेत, म्हाडाची ही अतिशय सुसज्ज आणि प्रशस्त घरे सर्वसामान्यांच्या आवाक्यात आहेत.
थोडक्यात सांगायचे तर, मुंबईसारख्या शहरात स्वतःचे घर असावे आणि तेही पवईसारख्या प्राइम लोकेशनवर, हे स्वप्न पूर्ण करण्यासाठी म्हाडाची ही लॉटरी एक सुवर्णसंधी ठरत आहे. ज्यांना प्रशस्त जागा, उत्तम कनेक्टिव्हिटी आणि लक्झरी सोसायटी हवी आहे, त्यांच्यासाठी हा प्रकल्प नक्कीच एक फायदेशीर सौदा ठरू शकतो.
