Ration scheme : रेशनच्या धान्यावर अवलंबून असणाऱ्या नागरिकांसाठी एक अत्यंत महत्त्वाची बातमी आहे. सार्वजनिक वितरण व्यवस्थेतील (PDS) सावळागोंधळ थांबवण्यासाठी आणि बोगसगिरीला चाप लावण्यासाठी सरकारने आता कंबर कसली आहे. राष्ट्रीय अन्न सुरक्षा कायद्याचा लाभ केवळ खऱ्या गरजूंपर्यंतच पोहोचावा, यासाठी अन्न व नागरी पुरवठा विभागाने राज्यभरात रेशन कार्डांच्या पडताळणीची एक धडक मोहीम हाती घेतली आहे.
रेशन मध्ये नाव ठेवण्यासाठी या तारखेच्या आत करा महत्त्वाचे काम
केवळ कागदोपत्री घोडे नाचवण्याऐवजी आता प्रशासन प्रत्यक्ष ॲक्शन मोडमध्ये आले आहे. या मोहिमेअंतर्गत अपात्र लाभार्थी आणि बोगस नोंदी शोधून काढल्या जातील. ज्या नोंदी संशयास्पद आढळतील किंवा नियमात बसत नसतील, त्या संगणकीय प्रणालीतून (System) कायमच्या हद्दपार केल्या जातील. त्यामुळे रेशन कार्डमधील नावे वाचवण्यासाठी ३१ डिसेंबरपूर्वी आवश्यक पूर्तता करणे गरजेचे आहे.
येथे वाचा – कापूस उत्पादकांनो! आयात वाढली, उत्पादन घटले… पहा आता दरांचे पुढे काय होणार?
ई-केवायसी (e-KYC): एक अनिवार्य अट
या संपूर्ण शुद्धीकरण मोहिमेचा मुख्य आधार ‘ई-केवायसी’ हा आहे. रेशन कार्डला आधार कार्ड जोडणे आता ऐच्छिक नसून सक्तीचे करण्यात आले आहे. प्रशासनाने स्पष्ट केले आहे की, ज्या ग्राहकांनी अद्याप आपली ई-केवायसी पूर्ण केलेली नाही, त्यांना भविष्यात स्वस्त धान्य मिळण्यात अडथळे येऊ शकतात. माहितीच्या अभावामुळे कोणत्याही पात्र कुटुंबाचे नुकसान होऊ नये, यासाठी प्रशासनातर्फे गाव आणि शहरांमधून जनजागृती केली जात आहे.
नेमका फायदा काय होणार?
जेव्हा बोगस लाभार्थी यादीतून बाद होतील, तेव्हा व्यवस्थेवरील अनावश्यक ताण कमी होईल. याचा थेट फायदा खऱ्या गरिबांना होईल. धान्याचा काळाबाजार रोखला जाऊन, हक्काचे धान्य वेळेवर आणि पुरेशा प्रमाणात पात्र कुटुंबांना मिळणे यामुळे शक्य होईल, असा विश्वास व्यक्त केला जात आहे.
येथे वाचा – शेतकऱ्यांनो! मोफत बियाणे योजना सुरू.. मोबाईलवरून भरा अर्ज.. पहा पात्र जिल्ह्यांची यादी..
नागरिकांनी नक्की काय करायचे?
१. ई-केवायसी म्हणजे काय?
सोप्या भाषेत सांगायचे तर, ही तुमची डिजिटल हजेरी किंवा ओळख पडताळणी आहे. रेशन कार्डवरील व्यक्ती आणि आधार कार्डधारक एकच आहे की नाही, हे बायोमेट्रिक पद्धतीने (बोटांचे ठसे किंवा डोळ्यांचे स्कॅन करून) तपासले जाते.
२. प्रक्रिया कशी पूर्ण करावी?
तुम्हाला तुमच्या जवळच्या रेशन दुकानात (FPS) जावे लागेल.
जाताना रेशन कार्ड आणि कुटुंबातील सदस्यांची आधार कार्ड सोबत ठेवा.
दुकानदाराकडील ‘पॉस’ (POS) मशीनवर अंगठा लावून किंवा डोळे स्कॅन करून ही प्रक्रिया काही मिनिटांत पूर्ण करता येते.
महत्त्वाचे: ३१ डिसेंबर ही अंतिम मुदत लक्षात ठेवा आणि वेळेत प्रक्रिया पूर्ण करून संभाव्य गैरसोय टाळा.
येथे वाचा – युरिया भेटत नाही मग वापरा हे खत; युरिया पेक्षा जबरदस्त रिझल्ट.. युरियाला एक जबरदस्त पर्याय..
