Kanda Deshi Daru Dose : शेतकरी मित्रांनो, माणसाला थोडी तरतरी यावी म्हणून लोक काय काय करतात हे आपल्याला माहितच आहे. पण तुम्हाला माहित आहे का? हाच फॉर्म्युला आता शेतीतही वापरला जातोय! हो, तुम्ही बरोबर वाचलंय. सध्या कांदा पिकासाठी ‘देशी दारू’चा वापर हा चर्चेचा विषय ठरलाय. पण प्रश्न असा आहे की, पिकाला दारू पाजल्याने खरंच कांद्याचे उत्पादन वाढते का? की हा फक्त एक सोशल मीडियाचा ट्रेंड आहे? या देशी जुगाडामागचं विज्ञान आणि फवारणीची योग्य पद्धत आज आपण समजून घेऊया.
कांद्याला देशी दारूची फवारणी का? काय आहे नेमकं कारण?
जेव्हा आपण पिकावर देशी दारू फवारतो, तेव्हा त्यात असलेल्या अल्कोहोलचा थेट परिणाम पिकाच्या चयापचय क्रियेवर होतो. व्हिडिओमध्ये सांगितल्याप्रमाणे, याचे मुख्य फायदे खालीलप्रमाणे आहेत:
१. पिकाला मिळते जबरदस्त ‘एनर्जी’ (वाढ आणि क्लोरोफिल)
ज्याप्रमाणे एखादा ‘पेग’ घेतल्यावर माणसाला वेगळीच ऊर्जा येते, तसाच काहीसा परिणाम पिकावरही दिसून येतो. अल्कोहोलच्या फवारणीमुळे कांद्याच्या पानांमधील ‘हरितद्रव्य’ (Chlorophyll) तयार होण्याचा वेग वाढतो.
परिणाम: पाने गडद हिरवीगार दिसू लागतात.
जितके जास्त हरितद्रव्य, तितके अन्न जास्त तयार होते आणि साहजिकच कांद्याची साईज फुगण्यास मदत होते.
येथे वाचा – यंदा गव्हाचे भाव वाढणार की आणखी पडणार? तज्ञांनी दिला महत्त्वाचा सल्ला..
२. फुकटात ‘सॅनिटायझर’ आणि कीड नियंत्रण
आपल्याला माहित आहे की अल्कोहोल हे जंतूनाशक असते. जेव्हा हे पिकावर पडते, तेव्हा ते एका उत्तम ‘सॅनिटायझर’चे काम करते. यामुळे पिकाची स्वच्छता तर होतेच, पण त्यासोबतच रस शोषणाऱ्या किडींचा बंदोबस्त होतो.
थ्रिप्स, मावा, तुडतुडे, तसेच लाल आणि पांढऱ्या कोळीचा प्रादुर्भाव रोखण्यास देशी दारू मदत करते.
हे नियम पाळले तरच फायदा, नाहीतर नुकसान
हा उपाय करताना सर्वात महत्त्वाची गोष्ट म्हणजे ‘हवामान’.
केव्हा वापरावे? देशी दारूचा वापर फक्त आणि फक्त थंडीच्या दिवसातच करावा.
केव्हा टाळावे? कडक उन्हाळ्यात किंवा उष्ण हवामानात याचा वापर चुकूनही करू नका. उन्हाळ्यात अल्कोहोल वापरल्यास पीक करपण्याची किंवा उलट परिणाम होण्याची दाट शक्यता असते.
येथे वाचा – शेळीपालनासाठी चक्क 75% अनुदान.. ‘पोकरा’ योजना.. मोबाईलवरून असा भरा अर्ज..
प्रमाण आणि वापरण्याची योग्य पद्धत
जर तुम्ही थंडीच्या दिवसात हा प्रयोग करणार असाल, तर प्रमाण अचूक असणे गरजेचे आहे.
किती दिवसानंतर? कांदा लागवडीनंतर साधारण ३०-३५ दिवसांपासून ते ६०-७० दिवसांचे पीक होईपर्यंत तुम्ही याची फवारणी करू शकता.
डोस: १५ लिटरच्या पंपासाठी ९० ते १२० मिली देशी दारू वापरावी. (अतिरेक करू नये).
मिश्रण करताना ही काळजी घ्या:
देशी दारू सोबत तुम्ही विद्राव्य खते वापरू शकता. तसेच जर कीटकनाशक किंवा बुरशीनाशक टाकायचे असेल, तर फक्त पावडर स्वरूपातील औषधे वापरा (उदा. इमामेक्टिन, ॲक्टारा इ.). लिक्विड (द्रव) स्वरूपातील इतर रसायने यासोबत मिसळणे टाळावे.
येथे वाचा –एक फवारणी आणि 6 महिने गवताची सुट्टी.. तणांचा दुश्मन तणनाशक.. पहा कोणी वापरावे?
शेतकरी दादांनो, थंडीच्या दिवसात पिकाची वाढ जोमाने व्हावी आणि कांदा टपोरा व्हावा यासाठी हा ‘देशी’ उपाय अनेक शेतकरी वापरत आहेत. कमी खर्चात पिकाला बूस्टर डोस आणि किडींवर नियंत्रण मिळवण्यासाठी हा एक उत्तम पर्याय ठरू शकतो.
टीप: शेतीमध्ये कोणताही नवीन प्रयोग करताना आधी तज्ज्ञांचा सल्ला घेणे किंवा छोट्या क्षेत्रावर चाचणी करणे कधीही उत्तम!
