CIDCO Sample Flat Taloja : नवी मुंबईत स्वतःचं हक्काचं घर असावं, हे स्वप्न उराशी बाळगून अनेकजण दिवसरात्र कष्ट करत असतात. पण गगनाला भिडलेले खाजगी बिल्डर्सचे दर आणि बजेटचा मेळ बसवणं कठीण होऊन बसतं. अशा वेळी सामान्य माणसासाठी आशेचा किरण बनून येते ती म्हणजे ‘सिडको’… आज आपण सिडकोच्या तळोजा सेक्टर २८ मधील एका अशा प्रोजेक्टचा सविस्तर आढावा घेणार आहोत आणि सॅम्पल फ्लॅट व्हिडिओ देखील पाहणार आहोत. जो सध्या ‘रेडी टू मूव्ह’ आहे आणि जिथे सर्वसामान्यांच्या खिशाला परवडणारी घरे उपलब्ध आहेत. या प्रोजेक्टचे नाव आहे – “रायगड इस्टेट फेज १” (Raigad Estate Phase 1).
जर तुम्ही EWS (अत्यल्प उत्पन्न गट) श्रेणीत येत असाल आणि घराच्या शोधात असाल, तर ही माहिती तुमच्यासाठी खूप महत्त्वाची ठरू शकते. चला तर मग, जाणून घेऊया या प्रोजेक्टची वैशिष्ट्ये, सुविधा आणि किंमत!
प्रोजेक्टची रचना आणि लोकॅलिटी
हा संपूर्ण प्रकल्प खास EWS गटासाठी डिझाइन केलेला आहे. यामध्ये एकूण ११ इमारती आहेत आणि तब्बल २१-८५ (2185) सदनिका उपलब्ध आहेत. या प्रोजेक्टचे वैशिष्ट्य म्हणजे येथील इमारतींचे ‘कलर कोडिंग’. हिरवा, निळा आणि पिवळा अशा रंगांच्या थीममध्ये या इमारती विभागल्या आहेत, ज्यामुळे बाहेरून आलेल्या व्यक्तीला पत्ता शोधणे सोपे जाते.
येथील रस्ते प्रशस्त आहेत आणि आजूबाजूला भरपूर मोकळी जागा (Open Space) सोडण्यात आली आहे, ज्यामुळे हवा खेळती राहते.
येथे वाचा – नशीब असावं तर असं! सोडतीआधीच ठरले विजेते; म्हाडा पुणे लॉटरीत तुमचं नाव आलंय का?
घराची अंतर्गत रचना (Flat Tour)
बऱ्याचदा सरकारी योजनांमधील घरांबद्दल लोकांच्या मनात शंका असतात, पण इथला सॅम्पल फ्लॅट बघितल्यावर तुमचे मत नक्कीच बदलेल.
कार्पेट एरिया: ३२२ स्क्वेअर फूट.
प्रकार: १ BHK (हॉल, किचन, बेडरूम, टॉयलेट-बाथरूम).
डिझाइन: या घरांचे डिझाइन प्रसिद्ध आर्किटेक्ट ‘हाफिज कंत्राक्टर’ यांच्या टीमने केल्याचे समजते, त्यामुळे जागेचा पुरेपूर वापर केलेला दिसतो.
किचन: एल-शेप (L-Shape) किचन ओटा, ज्यात पाण्यासाठी आणि प्युरिफायरसाठी पॉईंट्स दिले आहेत. वरच्या बाजूला सामानासाठी लॉफ्ट (Storage) आहे.
हॉल आणि बेडरूम: एका लहान कुटुंबासाठी पुरेसा होईल असा हॉल आणि बेडरूम आहे. घरामध्ये नैसर्गिक प्रकाश आणि हवा खेळती राहण्यासाठी मोठ्या खिडक्या (French Windows/Full Height) दिल्या आहेत.
सिडकोची बंपर ऑफर! फ्लॅटमागे चक्क 10 लाखांचा फायदा..
सुविधा (Amenities)
खाजगी बिल्डर्सकडून फ्लॅट घेताना आपण ज्या ‘लक्झरी’ सुविधांची अपेक्षा करतो, त्यातील अनेक गोष्टी सिडकोने इथे पुरवल्या आहेत:
कम्युनिटी सेंटर: सुमारे २००० स्क्वेअर फुटांचा एक भव्य कम्युनिटी हॉल, जिथे तुम्ही घरगुती कार्यक्रम करू शकता किंवा हेल्थ क्लब म्हणून वापरू शकता.
स्पोर्ट्स कॉम्प्लेक्स: मुलांसाठी बास्केटबॉल कोर्ट, फुटबॉल कोर्ट आणि बॅडमिंटन कोर्टची सोय आहे. खेळासाठी रबरी फ्लोरिंग (Synthetic Flooring) वापरण्यात येणार आहे.
लहान मुले आणि ज्येष्ठांसाठी: मुलांसाठी स्वतंत्र ‘किड्स प्ले एरिया’ (सरगुंडी, झोके) आणि ज्येष्ठ नागरिकांसाठी गजेबो (Gazebo), बसण्यासाठी बाके आणि चालण्यासाठी ‘क्युप्रेशर ट्रॅक’ बनवला आहे.
पार्किंग: प्रशस्त ओपन पार्किंग आहे, जिथे ‘ग्रास पेव्हर्स’ वापरले आहेत. म्हणजे जेव्हा गाड्या नसतील, तेव्हा तो भाग हिरव्या लॉनसारखा दिसेल.
सुरक्षा (Safety First)
सुरक्षेच्या बाबतीत कोणतीही तडजोड केलेली नाही:
प्रत्येक इमारतीत २ पॅसेंजर लिफ्ट आणि १ फायर लिफ्ट आहे.
घरांमध्ये आणि लॉबीमध्ये फायर स्प्रिंकलर सिस्टीम बसवली आहे.
इमारतीवर वीज पडू नये म्हणून ‘लाईटनिंग अरेस्टर’ बसवले आहेत.
दर तीन मजल्यांवर ‘रिफ्यूज एरिया’ (Refuge Area) आहे, जो आपत्कालीन परिस्थितीत वापरता येतो.
सिडकोची बंपर ऑफर! फ्लॅटमागे चक्क 10 लाखांचा फायदा..
किंमत आणि ताबा
सर्वात महत्त्वाचा प्रश्न – किंमत किती?
या घरांची अंदाजे किंमत २२ लाख ६० हजार रुपये (१०% कपातीनंतर) आहे.
यावर तुम्हाला पंतप्रधान आवास योजनेअंतर्गत (PMAY) अडीच लाख रुपयांपर्यंतचे अनुदानही मिळू शकते. हा प्रकल्प ‘OC प्राप्त’ (OC Received) असून पूर्णपणे तयार आहे. लॉटरी लागली की लगेचच ताबा देण्याची प्रक्रिया सुरू होईल, अशी माहिती प्रोजेक्ट इंजिनिअर्सनी दिली आहे. खाली सॅम्पल फ्लॅट व्हिडिओ पाहू शकता. हा व्हिडिओ आर.के प्रॉपर्टी या यूट्यूब चॅनेलवर टाकण्यात आला आहे.
जर तुमचे बजेट कमी असेल आणि तुम्हाला नवी मुंबईत, सर्व सोयीसुविधांनी युक्त अशा कॉम्प्लेक्समध्ये राहायचे असेल, तर सिडकोचा तळोजा सेक्टर २८ मधील हा प्रकल्प एक उत्तम पर्याय आहे. रेडी पझेशन, पारदर्शक व्यवहार आणि विचारपूर्वक केलेले प्लॅनिंग यामुळे हा प्रकल्प नक्कीच उजवा ठरतो.
