Ration Scheme Update : तुम्ही जर रेशन कार्डधारक असाल, तर नवीन वर्षाची सुरुवात तुमच्यासाठी एका महत्त्वाच्या अपडेटने होणार आहे. गेल्या काही दिवसांपासून रेशन दुकानांवर मिळणाऱ्या धान्यामध्ये काही प्रयोग केले जात होते, पण आता सरकारने पुन्हा एकदा जुन्या आणि भरवशाच्या पद्धतीकडे वळण्याचा निर्णय घेतला आहे. नक्की काय आहे हा बदल? आणि १ जानेवारीपासून तुमच्या हक्काचं किती धान्य तुम्हाला मिळणार? चला, जाणून घेऊया सोप्या भाषेत..
गेल्या दोन महिन्यांत काय घडलं?
तुम्ही पाहिलं असेल की नोव्हेंबर आणि डिसेंबर महिन्यात रेशनवर नेहमीच्या गहू-तांदळासोबत ‘ज्वारी’ सुद्धा दिली जात होती. सरकारने हा एक प्रायोगिक उपक्रम राबवला होता. यामध्ये अंत्योदय आणि प्राधान्य कुटुंब योजनेतील लाभार्थ्यांना त्यांच्या ठरलेल्या वाटपानुसार गहू, तांदूळ आणि जोडीला ज्वारी दिली गेली. अनेकांसाठी रेशनवर ज्वारी मिळणं ही आनंदाची गोष्ट होती, तर काही ठिकाणी याबददल संमिश्र प्रतिक्रिया उमटल्या.
आता १ जानेवारीपासून काय बदलणार?
नवीन वर्षात, म्हणजेच १ जानेवारीपासून रेशन वाटपाचे हे गणित पुन्हा बदलणार आहे. मिळालेल्या माहितीनुसार, रेशन दुकानांवरील ज्वारीचं वाटप आता बंद करण्यात येणार आहे. त्याऐवजी, पुन्हा एकदा पूर्वीप्रमाणेच फक्त गहू आणि तांदूळ देण्याचा निर्णय प्रशासनाने घेतला आहे. राष्ट्रीय अन्न सुरक्षा कायद्यानुसार जी मूळ पद्धत ठरलेली होती, तीच आता लागू होईल.
येथे वाचा – बियाण्यासाठी निधी मंजूर.. उद्यापासून या जिल्ह्यांत भुईमूग–तीळ बियाणे वाटप सुरू होणार..
तुम्हाला नक्की किती धान्य मिळणार?
तुमच्याकडे कोणत्या रंगाचे किंवा कोणत्या योजनेचे रेशन कार्ड आहे, त्यानुसार तुम्हाला मिळणाऱ्या धान्याचे प्रमाण खालीलप्रमाणे असेल:
१. अंत्योदय अन्न योजना (AAY):
जर तुम्ही अंत्योदय योजनेचे लाभार्थी असाल, तर तुमच्या कुटुंबाला दर महिन्याला एकूण ३५ किलो धान्य मिळेल.
गहू: २१ किलो
तांदूळ: १४ किलो
२. प्राधान्य कुटुंब योजना (PHH):
या योजनेअंतर्गत रेशन कार्डवर असलेल्या प्रत्येक व्यक्तीला (दरडोई) ५ किलो धान्य मिळेल.
गहू: ३ किलो (प्रति व्यक्ती)
तांदूळ: २ किलो (प्रति व्यक्ती)
येथे वाचा – कापूस विकावा की वाट पहावी? तज्ञांनी स्पष्टच सांगितलं..
थोडक्यात सांगायचं तर.. ज्या ज्वारीच्या वितरणाचा प्रयोग मागील दोन महिने सुरू होता, तो आता थांबवण्यात आला आहे. त्यामुळे १ जानेवारीपासून रेशन दुकानात जाताना तुम्हाला पुन्हा एकदा आपल्या पारंपरिक गहू आणि तांदूळ या धान्याचंच वाटप होईल, हे लक्षात ठेवा.
