शेतकरी मित्रांनो, शेती परवडत नाही असं आपण अनेकदा म्हणतो, आणि त्याचं मुख्य कारण म्हणजे वाढलेली मजुरी आणि तणांचा न संपणारा त्रास! आज निंदणी केली की आठ दिवसांत पुन्हा गवत डोकं वर काढतंच. मजुरांच्या पाठीमागे धावताना आणि तणनाशकांचे डबे रिचवताना आपला खिसा मात्र रिकामा होतो. पण, जर मी तुम्हाला सांगितलं की, “एकदा औषध फवारा आणि पुढचे ६ ते १० महिने शेतात गवताचं नाव सुद्धा राहणार नाही,” तर तुमचा विश्वास बसेल का? होय, हे शक्य झालंय बायर (Bayer) कंपनीच्या एका जबरदस्त तंत्रज्ञानामुळे!
आज आपण जाणून घेऊया ‘एलिओन प्लस’ (Alion Plus) या आधुनिक तणनाशकाबद्दल, ज्याने फळबाग उत्पादक शेतकऱ्यांची चिंता मिटवली आहे.
नेमकं कसं काम करतं हे तन तणनाशक?
बाजारात मिळणारे राऊंडअप (Roundup) किंवा इतर तणनाशकं फक्त वर आलेलं गवत जाळतात. पण ‘एलिओन प्लस’चं काम करण्याची पद्धत जरा वेगळी आणि हटके आहे. यामध्ये इंडाजीफ्लेम (Indaziflam) आणि ग्लायफोसेट हे दोन ताकदवान घटक आहेत.
दुहेरी हल्ला: हे औषध फवारल्यावर शेतात सध्या उभं असलेलं गवत तर जळतंच.
अदृश्य कवच: यातील ‘इंडाजीफ्लेम’ जमिनीत गेल्यावर मातीवर एक अदृश्य थर (Layer) तयार करतो. हा थर जमिनीच्या आत दडून बसलेल्या तणांच्या बियांना उगवूच देत नाही. थोडक्यात काय, तर हे औषध तणांचा ‘वंश’ संपवण्याचं काम करतं. अगदी शेतकऱ्यांच्या नाकी नऊ आणणाऱ्या ‘लव्हाळा’ (Nutgrass) सारख्या चिवट तणांचाही यात टिकाव लागत नाही.
येथे वाचा – शेळीपालनासाठी चक्क 75% अनुदान.. ‘पोकरा’ योजना.. मोबाईलवरून असा भरा अर्ज..
कोणत्या पिकांसाठी हे ‘वरदान’ आहे?
हे औषध प्रामुख्याने बहुवर्षीय फळबागांसाठी (Perennial Crops) बनवलं आहे. जर तुमच्याकडे खालीलपैकी कोणतीही बाग असेल, तर हे औषध तुमच्यासाठी बेस्ट आहे:
🍊 संत्रा आणि मोसंबी
🍇 द्राक्ष
🌰 चिकू
🍎 डाळिंब
महत्त्वाची टीप: हे औषध फळझाडांच्या दोन ओळींमधील जागेत किंवा बांधावर फवारण्यासाठी अत्यंत उत्तम आहे.
हे वाचा – गहू पिवळा पडतोय? फक्त हे 2 सोपे उपाय करा.. चमत्कार पहा..
वापरताना घ्यायची काळजी आणि योग्य पद्धत
एलिओन प्लसचा रिझल्ट १००% मिळवायचा असेल, तर काही तांत्रिक गोष्टी पाळणं गरजेचं आहे:
प्रमाण: १५ ते २० लिटरच्या पंपासाठी १०० मिली औषध पुरेसे आहे.
सर्वात महत्त्वाचा नियम: औषध फवारल्यानंतर जमिनीत कोणतीही मशागत करायची नाही. म्हणजेच, फवारणीनंतर वखरणी किंवा खुरपणी अजिबात करू नका. कारण, जर तुम्ही जमीन हलवली, तर औषधाने तयार केलेला तो ‘अदृश्य थर’ तुटतो आणि औषधाचा प्रभाव संपतो.
येथे वाचा – यंदा मक्याचे दर वाढणार की पडणार? तांदूळ करतोय मक्याचा गेम..
कोणी वापरू नये? (सावधानता)
हे औषध पॉवरफुल असल्यामुळे काही पथ्ये पाळणे गरजेचे आहे:
केळी, पपई यांसारख्या १ वर्षापेक्षा कमी कालावधीच्या पिकांमध्ये याचा वापर टाळा.
तुमची फळबाग जर अगदीच नवीन असेल (रोपे लहान असतील), तर हे औषध वापरू नका.
अनुभवी शेतकऱ्यांचा सल्ला: झाडे साधारण २-३ वर्षांची झाल्यावर किंवा फळे सेटिंगच्या अवस्थेत असताना याचा वापर करणे सुरक्षित आणि फायदेशीर ठरते.
येथे वाचा – घरीच बनवा 10:26:26 आणि DAP खत; पहा सोपा फॉर्मुला..
फायद्याचं गणित
सुरुवातीला कदाचित याचा खर्च जास्त वाटू शकतो, पण विचार करा – वर्षातून ४-५ वेळा निंदणीचा किंवा फवारणीचा खर्च वाचला, तर किती मोठी बचत होईल? शिवाय, तणांनी खाल्लेली खते आणि पाणी आता थेट तुमच्या पिकाला मिळेल, ज्याचा सरळ परिणाम तुमच्या उत्पन्नावर दिसेल. मग वाट कसली बघताय? आपल्या फळबागेला तणमुक्त करण्यासाठी या नवीन तंत्रज्ञानाचा वापर करून पहाच!
