Harbhara Favarni : शेतकरी मित्रांनो, सध्याचे वातावरण पाहिले तर आपली चिंता वाढणे साहजिकच आहे. मागील ४-५ दिवसांपासून आकाशात ढग दाटून येत आहेत आणि काही ठिकाणी हलका पाऊसही झाला आहे. सर्वात महत्त्वाचे म्हणजे सकाळी पडणारे दाट धुके (धुई). हे वातावरण आपल्या बहरत असलेल्या किंवा घाट्यात रूपांतर होत असलेल्या हरभरा पिकासाठी खूपच धोकादायक ठरू शकते. तुम्ही पाहिलं असेल की या धुक्यामुळे हरभऱ्याची फुलगळ मोठ्या प्रमाणावर होत आहे. पण काळजी करू नका! आज आपण एका अशा जबरदस्त ‘कॉम्बिनेशन’ बद्दल बोलणार आहोत, ज्यामुळे केवळ फुलगळच थांबणार नाही, तर तुमच्या शेतातील हरभरा घाट्यांनी अक्षरशः लदबदून जाईल.
नेमकी समस्या काय आहे?
सध्या हरभरा पीक हे फुल अवस्थेत किंवा घाटी भरण्याच्या अवस्थेत आहे. अशा वेळी ढगाळ वातावरण आणि धुक्यामुळे फुलांचे नुकसान होते आणि उत्पादनात मोठी घट होऊ शकते. आपल्याला दोन गोष्टी साध्य करायच्या आहेत:
१. फुलगळ थांबवणे.
२. फुलांचे वेगाने घाट्यात रूपांतर करणे आणि दाण्याचा आकार/वजन वाढवणे.
येथे वाचा – या तारखेपासून हवामान बिघडणार.. पंजाब डख नवीन अंदाज.. हरभरा उत्पादकांना महत्वाचा सल्ला
यावर उपाय: एक जबरदस्त फवारणी (Spray Combination)
तुमच्या २० लिटरच्या पंपासाठी खालीलप्रमाणे औषधांचे मिश्रण तयार करा आणि त्वरित फवारणी घ्या:
१. फुलगळ थांबवण्यासाठी (संजीवक):
सुरुवातीलाच फुलगळ रोखणे गरजेचे आहे. यासाठी ‘बायर प्लॅनोफिक्स’ (Bayer Planofix) हे औषध वापरा.
प्रमाण: २० लिटर पंपासाठी फक्त ५ मिली.
२. घाट्यांचे वजन आणि पोषणासाठी (विद्राव्य खत):
फुलांचे रूपांतर मजबूत घाट्यात व्हायला हवे आणि दाणे टपोरे भरले पाहिजेत. यासाठी ‘ICL 11:36:24’ हे विद्राव्य खत अत्यंत गुणकारी आहे. यामध्ये नत्रासोबतच स्फुरद (३६%) आणि पालाश (२४%) भरपूर असल्याने दाणे वजनदार होतात.
प्रमाण: २० लिटर पंपासाठी ८० ते १०० ग्रॅम.
येथे वाचा – आता कर्जमाफीतून हे शेतकरी वगळले जाणार? यात तुम्ही आहात का? पहा कामाची बातमी
३. अळीचा बंदोबस्त (कीटकनाशक):
ढगाळ वातावरणात घाटी अळीचा प्रादुर्भाव हमखास वाढतो. अळीला रोखण्यासाठी खालीलपैकी कोणतेही एक कीटकनाशक वापरा:
फेम (Fame): ५ मिली
किंवा जीएसपी फायटर (GSP Fighter): २० ते २५ मिली
किंवा कोराजन (Coragen): ५ ते ६ मिली
(टीप: तिन्हीपैकी कोणतेही एकच वापरा.)
४. बुरशीचा धोका टाळण्यासाठी (बुरशीनाशक):
फुलोरा अवस्थेत शक्यतो पावडर स्वरूपातील बुरशीनाशक वापरू नका, त्याने फुलांचे नुकसान होऊ शकते. त्याऐवजी लिक्विड स्वरूपातील ‘अमिस्टर टॉप’ (Amistar Top) वापरा.
प्रमाण: २० लिटर पंपासाठी २० मिली.
येथे वाचा – शेतकऱ्यांसाठी खुशखबर! रेशनचा पैसा खात्यात जमा! तुमचे आले का? असे तपासा
महत्त्वाचा सल्ला: शेतकरी मित्रांनो, उशीर करू नका. जर तुमच्या शेतात हरभरा फुल किंवा घाटी अवस्थेत असेल, तर ही फवारणी लवकरात लवकर उरकून घ्या. यामुळे नक्कीच तुमच्या उत्पादनात वाढ होईल आणि मोजताना थकाल इतके घाटे तुमच्या पिकाला लागतील!
