change aadhaar address online : तुम्ही नवीन ठिकाणी राहायला गेला आहात किंवा आधार कार्डवरील पत्ता चुकीचा आहे? काळजी करू नका! आता यासाठी तुम्हाला कोणत्याही आधार सेंटरबाहेर तासनतास रांगेत उभं राहण्याची किंवा एजंटचे उंबरठे झिजवण्याची गरज नाही. हो, तुम्ही वाचलं ते अगदी बरोबर आहे! तुम्ही घरबसल्या, तुमच्या स्वतःच्या मोबाईलवरून अवघ्या काही मिनिटांत आधारवरील पत्ता बदलू शकता. चला तर मग, ही सोपी प्रोसेस नक्की कशी आहे ते स्टेप-बाय-स्टेप समजून घेऊया.
स्टेप १: ॲप इन्स्टॉलेशन आणि तयारी
सर्वात आधी तुमच्या मोबाईलमधील Play Store वर जा आणि ‘Aadhar’ असे सर्च करा. तिथे तुम्हाला ‘Unique Identification Authority of India (UIDAI)’ चे अधिकृत ॲप दिसेल. त्याचा लोगो तपासा आणि फक्त हेच अधिकृत ॲप इन्स्टॉल करा.
स्टेप २: रजिस्ट्रेशन आणि फेस ऑथेंटिकेशन (Face Authentication)
ॲप ओपन केल्यावर तुम्हाला काही परवानग्या (Permissions) द्याव्या लागतील, त्या ‘Allow’ करा. त्यानंतर:
‘Skip Introduction’ करून ‘Register’ वर क्लिक करा.
‘I am ready with my Aadhar’ हा पर्याय निवडा.
ज्या व्यक्तीचा पत्ता बदलायचा आहे, त्यांचा आधार नंबर टाका.
तुमच्या मोबाईलमधील चालू असलेले सिम कार्ड निवडून व्हेरिफिकेशन पूर्ण करा.
महत्वाचा टप्पा: इथे तुम्हाला ‘Face Authentication’ करावे लागेल. म्हणजे कॅमेरासमोर चेहरा धरून डोळ्यांची उघडझाप (Blink) करावी लागेल. जेव्हा स्क्रीनवरील सर्कल हिरवे होईल, तेव्हा समजायचे की तुमचे व्हेरिफिकेशन यशस्वी झाले आहे.
येथे वाचा – संक्रांतीला महिलांना डबल गिफ्ट.. खात्यात येणार एवढी रक्कम.. पहा किती पैसे मिळणार?
स्टेप ३: पत्ता अपडेट करण्याची प्रक्रिया
आता ॲपच्या होम स्क्रीनवर तुम्हाला ‘My Aadhar Update’ हा पर्याय दिसेल, त्यावर क्लिक करा.
१. तिथे ‘Address Update’ निवडा आणि ‘Using Document’ या पर्यायावर जा.
२. तुम्हाला यासाठी ७५ रुपये फी भरावी लागेल आणि साधारणपणे ३० दिवसांच्या आत बदल होतो (कधीकधी तर ७ दिवसांतच होतो!).
३. तुमच्या आधारला लिंक असलेल्या मोबाईलवर एक OTP येईल, तो टाकून सबमिट करा.
येथे वाचा – ट्रॅक्टर-अवजार अनुदानाची शेवटची संधी.. ताबडतोब करा हे काम
स्टेप ४: कागदपत्रे आणि नवीन पत्ता
पत्ता बदलण्यासाठी तुमच्याकडे एक पुरावा असणे आवश्यक आहे. तुम्ही खालीलपैकी कोणतेही एक कागदपत्र जोडू शकता:
मतदान कार्ड (Voter ID)
रेशन कार्ड
लाईट बिल (Electricity Bill)
पासपोर्ट
बँक पासबुक
किंवा गॅस कनेक्शन बिल इ.
तुमच्याकडे असलेला पुरावा सिलेक्ट करा आणि त्याचा फोटो किंवा स्कॅन कॉपी अपलोड करा. त्यानंतर, तुमचा नवीन पत्ता (New Address), पिनकोड, जिल्हा आणि राज्य ही माहिती अगदी काळजीपूर्वक भरा. एकदा माहिती भरली की ‘Preview’ मध्ये जाऊन ती बरोबर आहे ना, हे तपासा (मराठी आणि इंग्रजी दोन्हीमध्ये).
येथे वाचा – खरचं तुम्हाला पीक विमा मिळणार का? येथे पहा खरी माहिती
स्टेप ५: पेमेंट आणि पावती
पुन्हा एकदा ज्याचा पत्ता बदलायचा आहे, त्यांचे फेस ऑथेंटिकेशन (चेहरा स्कॅन) करा. हे झाल्यावर तुम्हाला पेमेंट पेजवर नेले जाईल.
Google Pay, PhonePe किंवा UPI वापरून ७५ रुपयांचे पेमेंट करा.
पेमेंट होताच तुम्हाला एक पावती (Acknowledgment Receipt) मिळेल. ही पावती डाऊनलोड करून जपून ठेवा, कारण त्यावर तुमच्या अर्जाचा नंबर असतो.
येथे वाचा – कर्जमाफीतून ‘हे’ शेतकरी बाहेर.. पहा अपात्र शेतकऱ्यांची यादी
सगळं झालं! आता पुढे काय?
तुम्ही तुमचा अर्ज सबमिट केला आहे. आता काही दिवसांनी तुम्ही याच ॲपमध्ये ‘My Past Updates’ या सेक्शनमध्ये जाऊन चेक करू शकता की तुमचा पत्ता बदलला आहे की नाही. तिथे तुम्हाला दिसेल की अर्ज ‘Verification’ मध्ये आहे की ‘Complete’ झाला आहे. जर तुमचे डॉक्युमेंट्स बरोबर असतील, तर तुमचा पत्ता नक्कीच अपडेट होईल!
तर मित्रांनो, आहे की नाही सोपी पद्धत? आता आधार कामासाठी बाहेर जाण्याची कटकट संपली. ही माहिती तुमच्या मित्र-मैत्रिणींना आणि नातेवाईकांना नक्की शेअर करा, जेणेकरून त्यांचीही मदत होईल.
