Namo Shetkari Yojana Installment : शेतकरी मित्रांनो, पीएम किसानचा हप्ता येऊन आता दोन महिने उलटले, पण राज्याच्या ‘नमो शेतकरी’ योजनेचे पैसे अजूनही खात्यात का आले नाहीत? सरकारचा निधी नक्की कुठे अडकलाय? आणि येणाऱ्या निवडणुकांचा यावर काय परिणाम होणार? जाणून घ्या या ब्लॉगमध्ये… ही माहिती प्रत्येक शेतकऱ्यासाठी महत्त्वाची आहे!
नमस्कार शेतकरी बांधवांनो, सध्या राज्यातील शेतकऱ्यांच्या मनात एकच प्रश्न घर करून बसलाय – “नमो शेतकरी महासन्मान निधी योजनेचा हप्ता नक्की येणार तरी कधी?” पीएम किसान योजनेचा हप्ता नोव्हेंबरच्या पहिल्या आठवड्यातच जमा झाला, पण त्याच्या जोडीने येणारा राज्याचा हप्ता मात्र अजूनही गायब आहे. या विलंबामुळे शेतकऱ्यांमध्ये नाराजीचा सूर उमटताना दिसतोय. चला तर मग, या परिस्थितीचा सविस्तर आढावा घेऊया.
पीएम किसान आले, पण ‘नमो’चे काय?
साधारणपणे पद्धत अशी असते की, केंद्र सरकारचा पीएम किसानचा हप्ता जमा झाला की, लगोलग किंवा काही दिवसांच्या अंतराने राज्य सरकारचा ‘नमो शेतकरी’चा हप्ता वितरीत केला जातो. पण यावेळी परिस्थिती वेगळी आहे. पीएम किसानचे पैसे जमा होऊन आता तब्बल दोन महिने लोटले आहेत, तरीही राज्य सरकारच्या या महत्त्वाकांक्षी योजनेच्या वितरणाची कोणतीही हालचाल दिसत नाहीये. त्यामुळे “सरकार शेतकऱ्यांशी दुजाभाव करतंय का?” अशी शंका आता उपस्थित केली जात आहे.
येथे वाचा – आता या महिलांचे हप्ते बंद; या लाडक्या बहिणींना हप्ता मिळणार नाही.. पहा अपात्र यादी
आचारसंहितेचा अडथळा येणार का?
सध्या काही ठिकाणी नगरपालिकांच्या निवडणुकांमुळे आचारसंहिता लागू आहे, पण या योजनेचे लाभार्थी हे ग्रामीण भागातील असल्याने या आचारसंहितेचा तांत्रिक अडथळा येत नाही. मात्र, खरा पेच पुढे आहे!
येत्या एक-दोन आठवड्यांत जिल्हा परिषद आणि पंचायत समितीच्या निवडणुका जाहीर होण्याची दाट शक्यता आहे. जर त्यापूर्वी राज्य सरकारने निधी वितरणाचा जीआर काढला नाही आणि आचारसंहिता लागली, तर शेतकऱ्यांना हा हप्ता मिळण्यासाठी आणखी एका महिन्याची वाट पाहावी लागू शकते. त्यामुळे, जानेवारी महिन्यातच पैसे हवे असतील, तर सरकारने या पहिल्या आठवड्यात तातडीने निर्णय घेणे गरजेचे आहे.
येथे वाचा – ‘या’ जिल्ह्यांची पैसेवारी 50 पैशांच्या खाली! पीक विमा मिळण्याचा मार्ग मोकळा? पहा जिल्ह्यांची नवीन यादी
शेतकऱ्यांची भावना काय?
एकीकडे अतिवृष्टीची मदत रखडली आहे, दुसरीकडे कृषी पंपांची डीबीटी अनुदाने थकीत आहेत आणि त्यात आता ‘नमो शेतकरी’चा हप्ताही लांबणीवर पडल्यामुळे बळीराजा संकटात सापडला आहे. प्रशासनाकडूनही याबाबत कोणतीही स्पष्ट माहिती दिली जात नसल्यामुळे संभ्रम वाढला आहे.
शेतकरी मित्रांनो, चेंडू आता सरकारच्या कोर्टात आहे. आचारसंहितेचा बाऊ न करता आणि तांत्रिक अडचणी दूर करून, सरकारने तातडीने हा रखडलेला हप्ता वितरीत करावा, हीच सध्याची प्रमुख मागणी आहे.
येथे वाचा – यंदा मान्सून कधी येणार? पंजाब डख यांनी सांगितली तारीख.. नवीन वर्षाचा संपूर्ण अंदाज..
